請問台灣諺語.一等二靠三是空,一想二作三成功的意思 - 寵物

「一等二靠三落空，一想二做三成功。」即句俗語，照字面的意思是，一個人做代誌如果干礁(ka-na1)徛佇(khia7-ti7)原地等待，無卜踏出第一步，亦是一心想卜倚(ua2)靠別人鬥幫贊，若安爾伊所有的希望必然會落空、失敗。
換一句話來講，一個人創造事業，如果事先若會當深入的思考，詳細的計劃，然後跤(kha1)踏實地一步一步去推動，若安爾成功必然會屬於伊的。
俗語講「天跤下無迄號(hit4-lo0)食免費的中晝頓」，咱必須愛付出代價，才會凍享受成功的滋味。
在目前的工商社會，足(chiok4)濟人做事業無卜照起工，一步仔一步去扑拚，歸工毋是空思妄想、著是心狂火熱，想講看會一步登天，一下仔囝著會凍好額趁大錢、馬上成功出人頭地。
莫怪咱的股票市場有百分之九十的散戶仔，逐日鬧熱滾滾；六合彩嘛誠時行，攏無退時，這完全反應台灣社會投機、速成的現像。
有一句描寫台灣的神明進退為難的話：「無幾先錢，汝求伊亦求，卜予啥人卡好？無卜做半項代誌，日也拜暝也拜，真是予我為難？」，為著無卜予神明為難，我看咱愛照家己的計劃，實實在在去做，成功自然就會佇頭前等待咱啦。
參即句俗語相關的，
另外有：「一暝全頭路，天光無半步。」、
「做人著反(ping2)，**著筅(ching2)。」、
「做人�